Супрацоўнікі інспекцыі МПЗ па Цэнтральным раёне г. Гомеля сумесна з практыкантамі ГДУ імя Ф. Скарыны правялі сумеснае інфармацыйнае мерапрыемства для прадпрымальнікаў. Галоўныя тэмы — наступствы «шэрых выплат» для наймальнікаў, а таксама новы парадак прадастаўлення звестак аб даходах фізічных асоб падатковымі агентамі ў 2026 годзе.

У мерапрыемстве прынялі ўдзел студэнты 2-га курса спецыяльнасці «Фінансы і крэдыт» эканамічнага факультэта ГДУ. Для будучых эканамістаў гэта стала ўнікальнай магчымасцю вывучыць працу падатковых органаў знутры.

Спецыялісты інспекцыі нагадалі: ухіленне ад падаткаабкладання цягне адміністрацыйную і крымінальную адказнасць.

Акцыя стала важным крокам у павышэнні прававой пісьменнасці як студэнтаў, так і прадпрымальнікаў. Супрацоўнікі інспекцыі МПЗ па Цэнтральным раёне г. Гомеля сумесна з маладымі практыкантамі наглядна паказалі: адмова ад «шэрых» схем і своечасовая здача справаздачнасці — гэта не толькі патрабаванне закона, але і абарона ад сур'ёзных фінансавых страт.